010-cu illərin sonuna doğru adını eşitməyə başladığımız “slow living” anlayışı, Covid-19 ilə birgə daha çox insanın diqqətini çəkməyə başladı. Sonu bilinməyən uzun müddətli karantinlər səbəbi ilə bildiyimiz, adət etdiyimiz hər şey demək olar ki, dəyişdi. Həyatın tempi azaldı. Vəziyyət belə olduqda da “yavaş yaşam” olaraq tərcümə edilən bu anlayış, özünə daha çox yer tapmağa başladı.
Minimalizimlə qardaş olan “slow living”i “kəmiyyətdən daha çox keyfiyyətə diqqət yetirmək” olaraq tərif edə bilərik.
Əslində hər nə etsək də anın içində var olaraq, sadecə o işə diqqətimizi verərək və tələsmədən, əlimizdən gələnin ən yaxşısını etməyə çalışmaqdır. Müasir yaşamın sürəti və bizi eyni anda birdən çox işi görməyə məcbur etməsi, bədənimizin və ruhumuzun yorulmasına səbəb olur. Xaos, qaça-qaç və belə ki, stress olmadan, həyatın dadını çıxarmağı hədəfləyən “slow living”i mənimsəmək isə insana həm fiziki, həm mənəvi olaraq daha bütün bir sağlamlıq vəd edir.
“Youtube” statistikalarına görə başlığında “slow living” yazılan videoların 2020-ci ildəki izlənmə sayı, 2019-cu ildəkinə nəzərən 4 dəfə artmışdır. Hətta sadəcə bu statistika ilə istehlakçıların maraq dairəsi dəyişikliyini görmək mümkündür. Videolar əsasən uzun olur və fonunda sakitləşdirici musiqilər səslənir. Bəzilərində isə musiqi belə yoxdur. Mövzular isə bağçılıq və ya qəhvə dəmləmək kimi gündəlik işlərlə bağlı ola bilər. Karantin müddətində hər evdə ən azından bir dəfə təcrübə edilən çörək bişirməyin də bəzi videolarda “slow living” trendinə uyğun olması öz əksini tapır.
Statistikalara baxsaq, sakitləşdirici musiqilər kimi “Youtube”da uzun illərdən bəri var olan videolar, bu trend sayəsində daha öncə heç baxılmadığı qədər baxılmağa başlanıb. Pandemiyadan mənəvi olaraq kiçik bir qaçış imkanı verən bu videolar eyni zamanda istehlakçılara hansısa bir işi bitirib və uğur əldə edib hissini verir.
Bəs, bu yeni trend markalar və marketinq sahəsi üçün nə anlam ifadə edir?
Ən sadə şəkildə desək, bağcılıq, yemək bişirmə kimi hobbilərlə əlaqəli olan markalar, bu trendə uyğun yaradıcı işlər ortaya çıxarıb hədəf kütləsinə çata bilər. Amma ən əsası markaların və marketinq mütəxəssislərinin bilməli olduğu şey, istehlakçıda yaranan bu davranış dəyişikliyidir. İstehlakçının ehtiyacını və nə istədiyini anlamaq, doğru mesajlarla strategiyaya yön verməyə dəstək olacaq.
Bəs, pandemiya sonrası ‘normal’a döndükdə hər şey bu trend yenə davam edəcəkmi? Artıq ‘normal’ın rahat çalışma saatları və evdən işləmə imkanı sayəsində hobbilərə daha çox zaman qalacağını düşündüyümüz üçün daha uzun bir müddət həyatımızda olacağını deyə bilərik.
Daha çox
Startap
kateqoriyasından
