Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“Xbox”dan yenilik! Oyunları səsinizlə tapacaqsınız
“Xbox”un “10.0.26100.2499” kodlu yeniləməsi ilə gələn “Təbii Dil Axtarışı” (NLS) funksiyası, “Xbox” mağazasında oyun axtarma təcrübəsini dəyişib. Bu funksiyadan istifadə edərək axtardığınız oyunu səsinizlə daha rahat formada tapa biləcəksiniz.
“LinkedIn”də AI dəstəkli HR fəaliyyətə başlayıb
“LinkedIn”in yeni süni intellekt dəstəkli aləti, şirkətlərin işə götürmə prosesində qarşılaşdığı bir çox vaxt aparan tapşırıqda insan resursları işçilərinə kömək edəcək. Bu tapşırıqlara tələblərin müəyyənləşdirilməsi, uyğun namizədlərin tapılması və müraciətlərin qiymətləndirilməsi daxildir.
“Snapdragon 8 Elite” “Red Dead Redemption”da 160 FPS sərhədini aşıb!
“Qualcomm” yeni nəsil “Snapdragon 8 Elite” prosessoru ilə mobil oyun dünyasında limiti yüksəldib. Sızdırılan məlumatlara görə, çoxdandır gözlənilən prosessor “Red Dead Redemption” kimi yüksək qrafik tələbləri olan oyunu 160 FPS-dən çox sürətdə işlətmək mümkün olub.
“Ford” “F-150 Lightning” istehsalını dayandırmağa qərar verib
“Ford” tələbin azalması və artan rəqabət səbəbi ilə bu ayın ortalarından etibarən “F-150 Lightning” elektrikli pikap avtomobilinin istehsalını təxminən iki ay dayandırmaq qərarına gəlib.
“Xiaomi” 25 saniyədə 0°C-yə endirən maqnit soyuducusunu təqdim edib!
“Xiaomi” smartfonlar üçün hazırlanmış soyuducu ventilyator “Magnetic Cooling Clip”i təqdim edib. Oyun və canlı yayınlar zamanı istiliyi idarə etməyi hədəfləyən bu yeni aksesuar artıq satışa çıxarılıb.
Daha çox
Daily
kateqoriyasından
