Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“X” “TikTok”un ABŞ-dəki qadağasından faydalanır!
“TikTok”un gələcəyi ilə bağlı qeyri-müəyyənlik “X” üçün yeni fürsətlər yaradır. “X” “TikTok”un ABŞ-dəki qadağasını fürsətə çevirərək platformasına yeni vertikal video xüsusiyyəti əlavə etdi. Bu yenilik istifadəçilərə videoları tam ekran izləmə imkanı yaradacaq. Şirkət qısa video bazarında “TikTok”, “Instagram Reels” və “YouTube Shorts” kimi rəqiblər ilə mübarizəyə qoşularaq istifadəçilər üçün daha təhlükəsiz və yeni bir alternativ təqdim etməyi hədəfləyir.
“Assassin's Creed Shadows”a gələn yenilik və dəyişikliklər!
“Ubisoft” “Assassin's Creed Shadows” ilə yeni bir dövr başlatmağa hazırdır. Bu dəfə oyun daha az rəhbərlik və daha çox azadlıq təklif edir. Xəritə artıq sadəcə əsas bölgə adlarını və bəzi qeyri-müəyyən ipucularını göstərəcək, oyunçular isə kəşf etdikcə daha çox detal ortaya çıxacaq. Bundan əlavə “Assassin's Creed Mirage”dən ilham alınaraq hazırlanmış yeni vəzifə izləmə sistemi oyunçulara hədəfləri daha dəqiq izləmək və tapmaq üçün istiqamət göstərəcək. Həmçinin, yeni naviqasiya aləti at üstündə hərəkət edərkən ən qısa və düzgün yolu göstərərək oyunçulara rahatlıq təmin edəcək.
Akademik səviyyədə olan “super AI” ABŞ hökumətinə təqdim ediləcək
“OpenAI”ın CEO-su Sam Altman “super AI” ilə yeni bir dövrün başlanğıcını qoymağa hazırlaşır. ABŞ hökuməti ilə 30 yanvarda baş tutacaq görüşündə akademik “super AI” agentlərini təqdim edəcək. Bu yeni texnologiya yalnız məlumat yaratmaqla qalmayacaq, həm də yaradıcı və yüksək məsuliyyət tələb edən vəzifələri uğurla yerinə yetirəcək. Süni intellekt dünyasında “agentic AI” anlayışı xüsusi vəzifələrdə mütəxəssis olan və müstəqil işləyən agentləri təsvir edir. Bu yeni texnologiya halüsinasiya və səhv etmə kimi cari məhdudiyyətləri aşaraq daha yüksək məsuliyyət daşıyan vəzifələrdə belə istifadə oluna biləcək.
“Bitcoin” yenə rekord qırdı: 109 min dollar-a yüksəldi!
“Bitcoin” 109 min dollar səviyyəsini keçərək yeni bir rekord qırdı. Kripto bazarının lideri yenidən zirvəyə çatdı. “Bitcoin”in yüksəlişi Donald Trump-ın yenidən ABŞ prezidenti seçilməsi ilə əlaqələndirilir. “CoinMarketCap” məlumatına görə “Bitcoin” bu səhər 109,114 dollar səviyyəsinə qalxaraq öz rekordunu yenilədi və ən yüksək qiymətini əldə etdi.
“GTA 6”nın 100 dollarlıq qiyməti və oyun sektoruna təsiri!
"GTA 6" sadəcə gözlənilən məzmunu ilə deyil, həm də qiyməti ilə oyun dünyasında əks-səda yaratmağa hazırlaşır. "Epyllion” analisti “Matthew Ball” 2025-ci il üçün hazırladığı “State of Video Gaming” hesabatında “GTA 6”nın 100 dollar qiymətində satışa çıxmasının oyun sektorunda qiymət artımına səbəb olacağını qeyd edir.
Daha çox
Daily
kateqoriyasından
