Las-Veqasdakı "MSG Sphere" ilk dəfə işıqlandırılıb
Las-Veqasda "MSG Sphere"nin LED ekranında "Hello World" mətninin görüntüləri ortaya çıxıb. Təxminən 54.000 kvadratmetr sahəyə yayılan bu ekranlar dünyanın ən böyük LED ekranına sahib olduğu bildirilir. Sarı və qırmızı işıqlar ekranda lavaya bənzəyən effekt yaradır. Bu da, binanı alovla əhatə olunmuş kimi göstərir. Bir çox izləyici sferanın panellərini "Sauronun Gözü"nə bənzədib.
Twitter-in rəqibi "Threads" iyulun 6-da fəaliyyətə başlayır
Twitter-ə rəqib Threads-in iPhone üçün hazır versiyası göstərilib. App Store siyahısına görə iyulun 6-da tətbiqin işə salınması gözlənilir. Twitter-in digər rəqiblərinə nəzərən Threads-in bir sıra üstünlükləri olduğunu demək olar. Belə ki, Threads istifadəçiləri, tətbiq daxilində sıfırdan mühit yaratmaq yerinə, Instagram izləyicilərini birbaşa profillərinə əlavə edərək tətbiqin istifadəsinə başlaya biləcəklər.
Blackstone fintech startap Stampli-yə investisiya etmək üçün danışıqlar aparır
Blackstone, süni intellektlə işləyən "Pay To Account" avtomatlaşdırma həllini inkişaf etdirən Stampli fintech şirkətinə on milyonlarla dollar sərmayə yatırmaq üçün danışıqlar aparır. Bildirilir ki, şirkətin mövcud investorları, Insight Partners, SignalFire və Nextworld Capital da daxil olmaqla, bu turda iştirak edəcək. Şirkət bu günə qədər 87 milyon dollar investisiya cəlb edib.
Google məxfilik siyasətini yeniləyib
Yenilənmiş qaydalar Google-un əvvəlki xidmət şərtlərindən fərqli olduğunu göstərir. Google-un əvvəlki siyasəti dil modellərini təkmilləşdirmək üçün insanların məlumatlarından istifadə etmək üzərinə idi. Yeni qərara görə, Google bütün AI modellərini və məhsullarını təkmilləşdirmək üçün insanların məlumatlarından istifadə etmək hüququnu özündə saxlayacaq. Lakin bu o demək deyil ki, Google hesabınızla əlaqəli şəxsi məlumatlardan istifadə etməyi planlaşdırır. Bunun əvəzinə şirkət yalnız ChatGPT və digər AI modellərinin yüksəlişini nəzərə alaraq qaçılmaz olan ictimai məlumatlardan istifadə edir. Çünki Bard, ChatGPT, Bing Chat və digər süni intellekt modelləri də internetdən alınan məlumatlarla öyrədilir. Bu nöqtədə istifadəçilərin etməli olduqları ən vacib şey açıq şəkildə paylaşdıqları məlumatları nəzərdən keçirməkdir.
HBO serialları Netflix-ə gəlməyə başlayıb
“Warner Bros.” Netflix ilə HBO-nun orijinal məzmunlarını lisenziyalaşdırmaq üçün razılığa gəlib. Müqavilə çərçivəsində Netflix-ə gələcək HBO serialları da açıqlanıb. Netflix-ə gələn ilk HBO işləri arasında "Insecure" serialı yer alıb. Bununla yanaşı, digər məşhur HBO serialları da yaxında Netflix-ə əlavə olunacaq. Bunlar arasında Band of Brothers, The Pacific, Six Feet Under, Ballers və True Blood kimi məşhur seriallar var. Qeyd edək ki, Netflix-ə gələcək bütün məzmunlar HBO Max kanalında yayımlanmağa davam edəcək.
“Xbox Game Pass”ın iyul ayı siyahısı açıqlanıb
Microsoft bir müddətdir "Activision Blizzard"ın alınması ilə məşğul olsa da, Xbox Game Pass kitabxanasını boş qoymur. İyul ayı üçün kitabxanaya əlavə olunacaq 6 oyun açıqlanıb. Təqdim ediləcək ilk oyun olan "Arcade Paradise" artıq əlçatandır. Növbəti oyun, "Sword and Fairy 7", iyulun 5-dən etibarən abunəçilər üçün əlçatan olacaq. Görünür, ayın ən böyük istehsalı 14 iyulda təqdim olunacaq “Exoprimal” oyunu olacaq. Bundan əlavə, 3 oyunun da xidmətdən silinəcəyi bildirilib.
Daha çox
kateqoriyasından
