PRÉMA-QUÉBEC – THE 1.8 POUND BOOK
Vaxtından əvvəl doğulmuş körpələrə və onların valideynlərinə yardım və dəstək təklif edən “Préma-Québec” 17 dekabr Beynəlxalq Vaxtından Əvvəl Doğulmuşlar Günü üçün 1,8 funt (təxminən 816 qram) çəkili vaxtından əvvəl doğulmuş körpələr üçün kitab hazırlayıb. Təşkilat “Le livre de 1.8 livre” (1.8-pound Book) adlı kitabı ilə vaxtından əvvəl doğulmuş körpələrin kövrəkliyini əks etdirmək istəyib. Vaxtından əvvəl doğulmuş körpələr kimi bir ay əvvəl işıq üzü görən kitabda erkən doğuşlarla bağlı dörd ümidverən hekayə var.
REDDIT – REDDIT RECAP 2022
“Reddit” ötən il platformada xeyli söhbət toplayan məqamları vurğulayan “2022 Recap” videosunu yayımlayıb. “2022 Recap” videosu Uill Smitin Oskar şilləsi, süni intellekt tərəfindən yaradılan incəsənət çılğınlığı, məşhur “House of Dragon” televiziya şousu və digər populyar mövzularla yanaşı, Amerikada qasırğanın dağıntıları, İranda davam edən etirazlar, Rusiya ilə Ukrayna arasındakı müharibə də daxil olmaqla ciddi mövzulara diqqət çəkib. Platforma üç dəqiqəlik “2022 Recap” videosu ilə bu anları mümkün edən istifadəçilərə və icmalara minnətdarlığını bildirir.
BMO – THE SHOPPABLE ORNAMENT
“BMO” istehlakın çox olduğu Milad dövründə qadınlara məxsus müəssisələrin satışlarını artırmaq üçün “The Shoppable Ornament” adlı kampaniyasını təqdim edib. “Shoppable Ornament” adlı miniatür kataloq şəklində olan şam ağacı bəzəyi iştirakçı müəssisələrin məhsullarını və onların vebsaytının məhsul səhifəsinə keçid verən QR kodu ehtiva edir. Brend bu biznesləri dəstəkləmək üçün uzun müddətdir davam edən öhdəliyinin bir hissəsi olan kampaniya ilə bazardakı bərabərsizliyi müəyyən dərəcədə azaltmağı hədəfləyir.
COCA-COLA – THE BILLBOARD LABEL
“FIFA”nın ən böyük və uzunmüddətli sponsoru olan “Coca-Cola” “The Billboard Label” adlı yeni kampaniyası ilə futbol meydançasındakı varlığını kolumbiyalı futbolsevərlərin evlərinə gətirir. “Buffalo Wings” ilə əməkdaşlıq edən içki nəhəngi Dünya Kubokunda “Coca-Cola” reklam lövhələrini skan etməyə və onları “Coca-Cola” butulkalarına çevirməyə imkan verən oyunlaşdırılmış mobil təcrübə yaradıb. Kampaniya çərçivəsində iştirakçılar onlayn sifarişlərində və ya “Buffalo Wings” mağazalarında istifadə oluna bilən “World Cup Combo” endirim kuponu ilə mükafatlandırılır.
Daha çox
Yaradıcılıq
kateqoriyasından
