Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“Nvidia” “Apple”ı keçərək dünyanın ən böyük şirkəti olub
“Nvidia” bazar dəyəri ilə dünyanın ən böyük şirkəti olaraq “Apple”ı geridə qoyub və 3,43 trilyon dollarlıq dəyərə çatıb. Şirkət daha əvvəl iyun ayında qısa müddətlik zirvəyə yüksəlmişdi. Bu dəyişiklik, AI sahəsindəki üstünlüyü göstərir, çünki “Nvidia”nın Al infrastruktur həllərinə olan böyük tələbatı şirkətin dəyərini artırır.
“Wall Street” analitikləri şirkətin gəlirlərinin bu maliyyə ilində iki dəfədən çox artacağını və gələcək illərdə də artımın davam edəcəyini gözlədiklərini vurğulayırlar.
“Nintendo”nun yeni konsolu “Switch” oyunlarını dəstəkləyəcək
“Nintendo” yeni nəsil konsolunda “Backward-Compatible” funksiyasının olacağını açıqlayıb. Bu xüsusiyyət, “Switch”də son aylarda oyunçuların əlavə məzmun almaq haqqında qərar verməsinə təsir edə bilər. Şirkət həmçinin bildirib ki, yeni konsol “Nintendo”nun onlayn oyun xidmətlərini də dəstəkləyəcək.
“Samsung Galaxy Ring 2” üçün ilk məlumatlar bəlli olub
İlk “Galaxy Ring” modelinin dizaynını qoruyub saxlayan və bəzi təkmilləşdirmələri ilə seçilən “Galaxy Ring 2”nin daha incə quruluşa sahib olacağı iddia edilir. Mövcud “Galaxy Ring” modeli orta hesabla beş ilə yeddi gün batareya ömrü təqdim etsə də, yeni modeldə bu müddətin daha da artırılması gözlənilir.
“TikTok” Kanadadan rəsmi olaraq qovulub
Qərara görə, “TikTok” Kanada sərhədləri daxilində fəaliyyətini dayandırmalı olacaq. Bu addım “TikTok”un istifadəçi məlumatlarının idarə edilməsi siyasəti ilə bağlı davam edən narahatlıqlar nəticəsində atılıb və nəticədə platforma rəsmi olaraq Kanadadan xaric olunub.
Kanadanın “TikTok”a qarşı sərt sanksiyaları məlumat təhlükəsizliyi və məxfiliklə bağlı narahatlıqlardan irəli gəlir. Kanada hökuməti iddia edir ki, “TikTok” istifadəçi məlumatlarını xaricə ötürür və bu məlumatların məxfiliyini lazımi səviyyədə qorumur. Bu iddialara görə, istifadəçilərin məlumatlarının Çin hökuməti ilə paylaşılma riski var və Kanada öz vətəndaşlarının məlumatlarını bu potensial təhlükədən qorumaq istəyir.
“WhatsApp” saxta şəkilləri tapacaq yeni axtarış funksiyasını təqdim edib
“WhatsApp” istifadəçilərə paylaşdıqları şəkillərin doğruluğunu sürətlə yoxlamağa imkan verən yeni xüsusiyyət təqdim edib. “Webdə Axtar” funksiyası ilə istifadəçilər, söhbətdəki şəkilləri “Google”da axtararaq saxta məlumatların yayılmasının qarşısını ala biləcəklər.
Daha çox
Daily
kateqoriyasından
