Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Netflix" interaktiv məzmunlardan imtina edir
1 dekabrdan etibarən "Netflix" interaktiv məzmunlar ilə vidalaşacaq. Şirkət yalnızca "Black Mirror: Bandersnatch," "Unbreakable Kimmy Schmidt: Kimmy vs. the Reverend," "Ranveer vs. Wild with Bear Grylls" və "You vs. Wild" kimi dörd interaktiv məzmunu platformada saxlamaq qərarına gəlib. Şirkət interaktiv məzmunları azaltmaqla yanaşı, oyun sektorunda yaşadığı çətinlikləri də aşmaq üçün yeni addımlar atmağı planlaşdırır.
Rəqəmsal İnkişaf və Nəqliyyat Nazirliyi COP29 çərçivəsində keçirəcəyi tədbirləri açıqlayıb
Rəqəmsal İnkişaf və Nəqliyyat Nazirliyi (RİNN) BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində təşkil edəcəyi tədbirləri açıqlayıb.
Həmin tədbirlərə “Yaşıl Rəqəmsal Fəaliyyət” üzrə yüksək səviyyəli dəyirmi masa, “Yaşıl şəhər nəqliyyatı”, “Dayanıqlı, rəqəmsal Orta Dəhliz və onun hüdudlarından kənar” mövzularında nazirlərin dəyirmi masası, həmçinin “Beynəlxalq aviasiya və iqlim dəyişikliyi” mövzusunda yüksək səviyyəli panel müzakirəsi daxildir.
Hikmət Hacıyev Azərbaycanda yeni fəaliyyətə başlayan telekanalla bağlı paylaşım edib
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev ANEWZ beynəlxalq televiziya kanalını fəaliyyətə başlaması münasibəti ilə təbrik edib. O, kanala qlobal məsələlərə regional fokusla alternativ perspektivlər, xəbər və məlumat mənbəyi təmin etmək səylərində uğurlar arzulayıb.
Warren Buffett "Apple" səhmindən satmağa davam edir
Məşhur investor Warren Buffett-in şirkəti "Berkshire Hathaway", ilin üçüncü rübündə də “Apple” səhmindən satmağa davam edib. Şirkət üçüncü rübdə əlindəki "Apple" səhmlərinin 25 faizini daha satdığını açıqlayıb.
"Google" "Gemini 1.5 Pro" ilə bir sıra yeniləmələr təqdim edib
Yeniləmə ilə "Gemini Advanced"in məlumat keyfiyyəti artırılıb və mürəkkəb hesablamalarla bağlı sorğulara daha dəqiq cavab verir. "Gemini Advanced" həmçinin uzun sənədləri anlama qabiliyyətində də inkişaf göstərib və əvvəlki versiyalara nisbətən müxtəlif testlərdə daha üstün nəticələr əldə edib.
Daha çox
Daily
kateqoriyasından
