Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Lüks elektrik SUV modeli “Cadillac Vistiq” təqdim edilib
“Lyriq” və “Escalade IQ” modelləri arasında yer alan “2026 Vistiq” modelinin başlanğıc qiyməti açıqlamaya görə 78 min 790 dollar olacaq. Dizayn baxımından digər “Cadillac” avtomobillərinə bənzəyən bu lüks SUV, xüsusilə arxa tərəfdə “Escalade IQ” ilə demək olar ki, eyni detallara sahibdir.
Bundan əlavə, avtomobildə 7 sərnişin oturacağı var və sürücü üçün ikinci dərəcəli konfiqurasiya təklif olunur. Bu avtomobil 127 kilometr məsafəni təxminən 10 dəqiqəyə doldura biləcək.
“EA FC 25” “PlayStation” və “Xbox”da endirimə düşüb
“EA FC 25” “PS Store”da yalnız standart versiyası ilə endirimə düşüb. “PC” platformasında olduğu kimi, oyunda 50 % endirim var və 3 dekabr tarixinə qədər təxminən 96 AZN qiymətinə satılacaq. Bununla yanaşı, “Xbox” mağazasında daha çox imkanların olduğu müşahidə olunub.
“Nvidia” “Half-Life 2”yə özəl ekran kartı hədiyyə edir
Şirkət “Half-Life 2”nin 20-ci ildönümünü xüsusi “RTX 4080 SUPER” qrafik kartı hədiyyəsi ilə qeyd etməyə hazırlaşır. “Half-Life 2” 16 noyabrda 20 illik yubileyini qeyd edəcək və şirkət bu mərhələni xüsusi qrafik kartı ilə taclandırmağı hədəfləyir.
Ancaq təəssüf ki, bu qrafik kartı satışda olmayacaq. Şirkət kartı yalnız lotereya üçün istehsal etdiyini və sahibinin yalnız müsabiqə yolu ilə müəyyən ediləcəyini vurğulayıb. Oyunçular “Nvidia”nın "X", "Instagram", "Facebook" və "TikTok" kimi sosial media kanallarında keçiriləcək yarışmada iştirak edə bilərlər.
“NASA”dan kosmos həvəskarları üçün AI dəstəkli çatbot: “Earth Copilot”
“Microsoft”la əməkdaşlıq edən şirkət “Earth Copilot” adlı süni intellektlə dəstəklənən çatbotunu elan edib. Adından da göründüyü kimi, bu çatbot “Microsoft”un “Copilot”u üzərində qurulub. Yeni AI aləti “NASA”nın verilənlər bazasındakı məlumatlara daxil olmağı və başa düşməyi asanlaşdıracaq. “NASA”nın verdiyi açıqlamalara görə, “Earth Copilot” hələlik yalnız “NASA” daxilində çalışan elm adamları və tədqiqatçılar üçün əlçatan olacaq.
“Resident Evil 2”nin “Apple”da nə vaxt yayımlanacağı açıqlanıb
“Resident Evil 2” dekabrın 10-da pulsuz sınaq müddəti ilə “iPhone”, “iPad” və “Mac” istifadəçilərinə təqdim olunacaq. Oyun elə qurulacaq ki, oyunçular sınaqdan sonra tam versiyanı ala bilsinlər. Digər “Resident Evil” oyunlarını da nəzərə alsaq, oyunun qiymətinin 19,99 - 59,99 dollar arasında olacağı gözlənilir.
Daha çox
Daily
kateqoriyasından
