martfon dünyasının aparıcı şirkətlərindən biri olan “Apple” bu il “iPhone 15” seriyasını təqdim edəcək. Çox gözlənilən bu seria üçün ilk sızıntılar gəlməyə başladı. Seriyanın top modeli olan “iPhone 15 Ultra”nın dizaynı ortaya çıxdı. Beləliklə, onun müzakirə mövzusu olan “USB” portu da göründü.
Yeni modeli təqdim etməzdən əvvəl “Apple” cihazın “CAD” (həndəsi dizayn) faylını aksesuarlar istehsal edən müəyyən istehsalçılarla paylaşır. Hazırkı sızdırılmış dizayn da bu məqsədlə paylaşılmışdı. Bu o deməkdir ki, biz cihazın ön, arxa və yan hissələrini ətraflı şəkildə görə bilərik.
“9to5Mac” ilə paylaşılan şəkillər əvvəlki modellərlə müqayisədə fərqləri ortaya qoyur. Yuxarıdakı şəklə baxdığımızda kamera çıxıntılarının “iPhone 14 Pro” və “Pro Max”dan daha qalın olduğunu söyləyə bilərik. Kamera massivində isə nəzərəçarpacaq dərəcədə fərq yoxdur.
Digər tərəfdən, telefonun künclərindəki əyriliyin artdığını görmək mümkündür. Bu, “iPhone”u tutmağı asanlaşdırmaq və təsadüfi toxunuşların qarşısını almaq məqsədi daşıya bilər. Eyni zamanda telefonun yan tərəfindəki düymələrin ölçü dəyişikliyi də diqqətdən kənarda qalmır. “Apple”ın “iPhone 14” seriyası ilə təqdim etdiyi “Dynamic Island” dizaynının da “iPhone 15 Ultra”da yer aldığını görürük.
“iPhone 15 Ultra”nın altına baxdığımızda cihazın “USB Type-C” portundan istifadə etdiyini görürük. Bunun səbəbi Avropa İttifaqının elektron məhsullarda “USB Type-C”ni məcburi etməsidir. Aİ bunun üçün istehsalçılara 2025-ci ilə qədər vaxt verib.
“Apple”ın “iPhone 15” seriyasını 2023-cü ilin sentyabrında təqdim edəcəyi gözlənilir.
“Twitter”də bu özəllik ödənişli olacaq!
“Twitter” martın 20-dən etibarən “SMS” vasitəsilə iki faktorlu autentifikasiyanın (2FA) yalnız “Blue” abunəçilər üçün əlçatan olacağını açıqladı. Bu tarixdən etibarən digər istifadəçilər mühüm təhlükəsizlik tədbirindən məhrum olacaqlar.
İki faktorlu autentifikasiyadan istifadə edən “Twitter” abunəçiləri telefonlarına gələn mesaj ilə hesablarına daxil ola bilərlər. Beləliklə, insanların hesabları parollardan başqa çox daha təhlükəsiz üsulla qorunur. “Twitter" isə indi bu təhlükəsizlik metodunu yalnız "Twitter Blue" abunəçiləri üçün eksklüziv edəcək.
“Twitter” verdiyi açıqlamada, telefon nömrəsinə əsaslanan “2FA” tətbiqinin kibercinayətkarlar tərəfindən sui-istifadə edildiyini bu qərarın səbəbi olaraq göstərdi. Sosial media platforması pis niyyətli insanları qabaqlamağa çalışarkən bir çox hesabı təhlükəyə atdığını dərk etmir.
İlon Mask “Twitter” ofislərinin kirayəsini ödəmir.
Məlum olub ki, “Twitter” Sinqapurdakı ofislərində icarə haqqı ödəmir. Daxil olan məlumatlara əsasən, işçilərin bu səbəbdən binadan qovulduğu bildirilib. Hindistandakı üç ofisdən ikisi bağlanıb.
İlon Mask Twitter-i aldıqdan sonra platformada etdiklərinə görə gündəmdən düşməyib. Amerikalı jurnalist Keysi Nyutonun “Twitter”dəki paylaşımından məlum olur ki, məşhur milyarder artıq ofislərdə kirayə də ödəmir.
Buna uyğun olaraq şirkətin dünya üzrə bir çox ofisi bu ödənilməmiş kirayə haqlarına görə bir-bir bağlanır. “Bloomberg”in verdiyi məlumata görə, şirkətin Yeni Dehli və Mumbaydakı ofisləri bağlanıb, Benqalarudakı ofisi isə (hələlik) bağlanmayıb. Bəzi iddialara görə, pandemiyadan sonra Hindistan ofislərindəki işçilərini ofisə çağıran “Twitter”, işçilərin evdən işləməyə davam etməsindən sonra bəzi işçilərini işdən çıxarıb. Bu səbəbdən Hindistanda ixtisar edildiyi iddia edilən platforma mövzu ilə bağlı açıqlama verməkdən imtina edib.
Musk əvvəllər də bəzi Twitter ofislərində kirayə haqqı ödəməyib. Ötən aylarda “Twitter”in Sinqapur, Honq-Konq, Filippin və Meksika kimi yerlərdəki ofisləri kirayə haqqı ödənilmədiyi üçün boşaldılıb. Bəzi ofislər həmişəlik bağlanıb, bəziləri isə icarə haqqı ödənildikdən sonra yenidən açılıb. Həmçinin, iddialara görə, İlon Mask son vaxtlar xərclərdən qaçmaq üçün “Twitter”də çoxlu sayda işçini işdən çıxarmaq, işçilərə təklif olunan bəzi şərtləri azaltmaq kimi digər mübahisəli addımlar da atmaqdadır.
“Bing”in söhbəti məhdudlaşdırıldı.
“Microsoft”un yeni məhdudiyyətlərinə əsasən, “Bing chatbot” istifadəçiləri hər sessiyada maksimum beş və gündə cəmi 50 sual verə bilər. Buna səbəb onun istifadəçiləri təhqir etməsi, yalan danışması və insanları emosional manipulyasiya etməsi hallarının qarşısını almaqdır.
Bing komandası bloq yazısında deyir ki, “Bizim məlumatlarımız insanların böyük əksəriyyətinin axtardıqları cavabı 5 seans ərzində tapdığını və söhbətlərin yalnız 1 faizində 50+ mesajın olduğunu göstərdi”. İstifadəçilər seans başına beş limitə çatsalar, Bing uzun söhbət seanslarından qaçmaq üçün onları yeni mövzuya başlamağı təklif edəcək.
Microsoft bu həftənin əvvəlində xəbərdarlıq etdi ki, 15 və ya daha çox sualı olan söhbət seansları Bing-i "təkrarlanan hala gətirə və ya faydalı olmayan cavablar verməyə təhrik edə bilər".
“Apple Watch” qadağan olunur! Bəs səbəb?
Keçən il “Apple” tibbi cihazlar istehsal edən “AliveCor” şirkəti ilə “Apple Watch” modellərinə görə məhkəməyə verilmişdi. Bu məhkəmədə “AliveCor” qalib gəldi və “Apple” məğlub oldu. ABŞ-da patent pozuntusuna görə “Apple Watch” məhsullarına qadağa qoyulacağı gözlənilir.
Texnologiya nəhəngi “Apple”, ağıllı saatlarının satışda qalmasını təmin etmək üçün daha əvvəl prezident Barak Obama ilə işləmişdi. Amma indi prezident dəyişikliyinə görə nəticə bəlli deyil. “Apple Watch” məhsullarına qoyulan qadağa texnologiya şirkəti üçün böyük zərbə olacaq. Digər tərəfdən, şirkətin iddianın nəticəsi ilə bağlı apellyasiya şikayəti verməsi gözlənilir.
“ChatGPT” və “Bing” nəzarətdən çıxa bilər!
İlon Mask tvitində, “ChatGPT” və “Bing”in süni intellektinin nəzərdə tutulan istifadədən kənara çıxaraq hər kəsi öldürə biləcəyini söylədi. O, həmçinin “Microsoft” süni intellektini 1994-cü ildə haker şəxsiyyətinə bürünən oyunçuların “ŞODAN” adlı süni intellektə qarşı mübarizəsindən bəhs edən “System Shock” oyununa bənzədib.
Süni intellektin bəşəriyyəti təhdid edib-etməməsi, daha dəqiq desək, süni intellektin bəşəriyyətin sonunu gətirəcəyi sualları çox mübahisəlidir. Bu mübahisə təbii ki, texnologiya dünyasında da fikir ayrılığına səbəb olur. Xüsusilə İlon Mask süni intellektin potensial faydaları və təhlükələri haqqında tez-tez danışan adlar sırasındadır.
İlon Mask, tvitində, “ChatGPT” və “Bing”in süni intellektinin məqsədli istifadəsindən kənara çıxaraq hər kəsi öldürə biləcəyini söylədi. O, “Microsoft”un “OpenAI” komandası ilə əməkdaşlığı nəticəsində yaradılan “Bing” süni intellekti haqqında fikirlərini bildirib. Bu sözlər “Twitter”də müxtəlif müzakirələrə səbəb olub.
İlon Maskın süni intellektlə bağlı ilk qorxulu açıqlaması deyil. 2020-ci ilin iyul ayında Mask, "Süni intellektin özlərindən daha ağıllı olacağını düşünməyən insanlar, düşündüklərindən daha axmaqdır" dedi. O, süni intellektin insan zəkasını üstələyəcəyini və bunun bəşəriyyət üçün nüvə silahından daha təhlükəli olduğunu bildirib.
Bir tərəfdən, Mask 2022-ci ilin noyabrında “ChatGPT” chatbotunu istifadəyə verən “OpenAI” şirkətinin ilk qurucularından biri idi. Bu sahəyə müxtəlif investisiyalar qoymasına baxmayaraq, 2018-ci ildə şirkəti tərk edib. Bütün bunlar qarşısında qarşıdakı dövrdə Maskın bu mövzuda açıqlamalarının maraq doğuracağı görünür.
Daha çox
Daily
kateqoriyasından
