Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“Lyft” çaşdırıcı reklamlara görə 2,1 milyon $ cərimələnib
Federal Ticarət Komissiyası cümə günü elan etdi ki, “rideshare” şirkəti “Lyft” sürücü tariflərində etdiyi səhv reklamları dəyişdirməyi tələb edən razılaşmanın bir hissəsi olaraq 2,1 milyon dollar ödəməyə razı olub. FTK-ya görə, şirkət davamlı olaraq sürücülərin müəyyən saata şişirdilmiş məbləğlər qazana biləcəyini reklam edirdi. Məsələn, Atlantada sürücülərin saatda “33 dollara qədər” qazana biləcəyi iddia edilən reklamlar da paylaşılırdı. Ancaq bu rəqəmlər ortalama qazanc əsasında deyil, ən yüksək qazanc əldə edən ilk 5 sürücünün qazancı əsasında hesablanmışdı.
“Apple” ağıllı saat patent mübarizəsində “Masimo”ya qalib gəlib
“Apple” tibbi avadanlıq istehsalçısı “Masimo”ya qarşı patent pozuntusu iddiasında qələbə qazanıb. Cümə günü federal münsiflər heyəti “Masimo”nun bəzi “Apple” patentlərini pozduğunu müəyyən edib və hökmün bir hissəsi olaraq, “Apple” qanuni vasitə kimi cəmi 250 dollar qazanıb. “Bloomberg Law”ın xəbərinə görə, iddia edilən pozuntu üçün qanuni minimum kompensasiya 250 dollardır və “Apple”ın vəkili Con Desmarais münsiflər heyətinə yekun arqumentində "Biz pul üçün burada deyilik" ifadəsini qeyd edib.
“Marvel’s Spider-Man 2” və “Ratchet & Clank” oyunlarına PS5 Pro dəstəyi!
Məşhur oyun studiyası “Insomniac Games”, “Marvel’s Spider-Man 2” və “Ratchet & Clank: Rift Apart” oyunlarına PS5 Pro dəstəyi əlavə edən yeniliklər yayımlayıb. Bu yeniləmələr ilə oyunlarda “performance pro” və “fidelity pro” qrafik rejimləri və “ray tracing” funksiyası üçün tənzimləmə variantları əlavə olunub.
“GTA San Andreas”ın 20-ci ilində oyunçular üçün böyük sürpriz!
“GTA” seriyasının əfsanəvi trilogiyasını PC-də daha yaxşı hala gətirən “SilentPatch”, “San Andreas”ın 20-ci ildönümünü qeyd etmək üçün oyunçulara daha keyfiyyətli oyun mühiti təşkil edib. “GTA 3”, “Vice City”və “San Andreas”ın PC versiyalarında bir çox problemi həll edən bu mühüm layihə oyunçular üçün tamamilə yeni bir təcrübə vəd edir.
Yeniləmə ilə gələn ümumi düzəlişlərə avtomobillərin partlayarkən iki dəfə partlaması problemi, PS2 versiyasında olduğu kimi yağış və dumanda sürücülərin farlarını yandırma ehtimalının yenidən tətbiqi və metal avtomobil görünüşlərinin düzgün şəkildə göstərilməsi daxildir.
“Microsoft” CEO-su : "Xbox oyunları PS5-ə gələcək!"
“Microsoft”un baş direktoru Satya Nadella şirkətin platformalararası strategiyası ilə bağlı mühüm açıqlamalar verib. 2024-cü maliyyə ili hesabatında yer alan məlumata görə, “Xbox”ın eksklüziv oyunlarını “PS5” və “Nintendo Switch” kimi platformalara gətirmək planı dayanmadan davam edir.
Önümüzdəki günlərdə PS5-ə hansı “Xbox”oyunlarının gələcəyi hələ bəlli deyil. "Indiana Jones"un yayımlanmasından sonra bu mövzuda yeni açıqlamalar gözlənilir. Sənaye mütəxəssisləri hesab edirlər ki, “Microsoft”un bu addımı oyun dünyasında rəqabət dinamikasını əhəmiyyətli dərəcədə dəyişə bilər.
“Apple” qan şəkərini idarə etmək üçün tətbiq sınaqdan keçirir!
“Apple” uzun müddətdir ki, qeyri-invaziv qan qlükoza monitorinqi üzərində işləyir. “Bloomberg” hesabatında deyilir ki, şirkət diabetdən əziyyət çəkən insanlara vəziyyətini daha yaxşı idarə etməyə kömək edən proqramı sınaqdan keçirib.
Daha çox
Daily
kateqoriyasından
