üyməsiz “iPhone 15 Pro Max” və dizaynı!
“iPhone 15” seriyasının “CAD” dizaynları bir müddət əvvəl ortaya çıxmışdı. Ancaq indi bu “CAD” məlumatlarına əsaslanan render şəkilləri də paylaşıldı. “iPhone 15 Pro Max”a aid olduğu deyilən render şəkilləri bizə cihazın düyməsiz dizaynını açıq şəkildə göstərir.
“iPhone 15 Pro” ailəsinin fiziki düymələr yerinə (“iPhone 7/8"dəki “Home” düyməsi kimi) sensor düymələrinə keçəcəyi deyilirdi. Son bir neçə gündə gördüyümüz müxtəlif sızmalar da bu məlumatı təsdiqləyir. Göründüyü kimi və deyilənlərə görə, “iPhone 15 Pro” ailəsində güc düyməsi də daxil olmaqla səs səviyyəsini artırma və azaltma düymələri sensor olacaq. Həmçinin, “15 Pro Max”in ümumi dizaynının daha oval formada olacağı görünür. Bu, telefonun ovuc içinə daha rahat oturmasına imkan verəcək.
.jpeg)
“Apple”ın keçmişdəki planları haqqında dəqiq məlumat vermiş "Ice Universe" tərəfindən paylaşılan görüntülərə görə, “iPhone 15 Pro Max” əvvəlki nəsildən daha incə ekran çərçivəsinə sahib olacaq. “Dynamic Island” xüsusiyyətinin davam etdiyi görünsə də, kamera zərbəsinin iPhone 14 Pro Max-dan daha az olduğu ifadə edilir.
Paylaşılan ölçülərə baxdığımızda “iPhone 15 Pro Max”ın “iPhone 14 Pro Max”dan daha yığcam dizayna sahib olacağını görürük. Bundan əlavə, görüntülərdə köhnə “Lightning” yerinə yenidən “Type C” portuna keçəcəyi bildirilir. “Type C” portu bütün smartfonlar üçün ümumi olsa da, “iPhone 15” seriyasının bütün kabellərə uyğun olması gözlənilmir. “Apple” xüsusi “Type C” portu üçün fərqli standartlaşdırmadan istifadə edə bilər.
“GTA 6”nın çıxış tarixi məlum oldu!
Etibarlı sızıntıları ilə məşhur olan Tom Henderson “GTA 6”nın çıxışını "bütün zamanların ən böyük oyun elanı" adlandırıb. “Rockstar Games”in “GTA 6”nı 2023-cü ildə açıqlayacağını söyləyən mənbəyə görə, oyunun çıxış tarixi 2025-ci il olacaq.
Hendersonun sözlərinə görə, “GTA 6”nın anonsu fərqli üslubda olacaq və onun oyun videosunda oyundakı bəzi personajları ortaya çıxaracaq. Sızdırılan məlumatlara görə, “GTA 6”da Jason və Lucia adlı iki personajı idarə edəcəyik. “GTA 6”da bir növ "Bonnie & Clyde" üslubunda macəra yaşayacağımız deyilir. “GTA 6”nın keçirildiyi yer olaraq “Vice City”nin də daxil olduğu Şimali və Cənubi Amerikadakı bir mühitə diqqət çəkilir.
.jpeg)
“GTA 6”nın buraxılış tarixi ilə yanaşı, “Rage 9” oyun mühərriki də sızdırıldı. “Gaming Detective” tərəfindən “Twitter”də paylaşılan videoda “Rage 9” mühərrikinin dalğalanma effektləri göstərilir. Videoya diqqətlə baxdıqda suyun davranışı və dalğa əmələ gəlməsinin reallığı aydın görünür. Su dibində əmələ gələn kölgələr və iki dalğanın bir-biri ilə toqquşması nəticəsində yaranan qarşılıqlı təsir də diqqəti çəkir.
“Instagram” və “Whatsapp”a süni intellekt gətirilir.
“Meta” şirkət daxilində generativ süni intellektin yaradılmasına yönəlmiş yeni məhsul ortaya qoyacaq. “Meta”nın “CEO”su Mark Zukerberqin “Facebook”dakı yazısında izah etdiyi kimi, fərqli komandalar yeni bir bölmə yaratmaq üçün “Meta”da bir araya gələcəklər.
Son zamanlar biz tez-tez görürük ki, texnologiya nəhəngləri və startaplar öz məhsullarına generativ süni intellekt əlavə edirlər. “Microsoft”, “OpenAI”nin “GPT-4” modelini “Bing”ə inteqrasiya edərək axtarış sistemində “ChatGPT”yə bənzər təcrübəyə başladı. Şirkət, həmçinin yan paneldə quraşdırılmış yeni süni intellekt xüsusiyyətləri ilə “Edge” brauzerinin yeni versiyasını buraxdı. “Google” rəsmi olaraq “ChatGPT”nin rəqibi “Bard”ı elan etdi. Bundan əlavə, “Snap” proqramı “ChatGPT” botunu əlavə etdi.
Bu müddətdə “Meta” da süni intellekt araşdırmalarını sürətini azaltmadan davam etdirdi. 2022-ci ilin fevral ayında süni intellektlə dəstəklənən "universal nitq tərcüməçisi" (UST) üzərində işlədiyini elan edən “Meta AI”, 2022-ci ilin oktyabrında yazılmamış dillərə diqqət yetirdi.
“Snapchat”ın yeni çatbotu “My AI”
İyun ayında ödənişli abunə xidməti olan “Snapchat+”ı istifadəyə verən şirkət, ödənişli abunə xidməti üçün yeni xüsusiyyət gətirdiyini açıqladı. “Snap”ın verdiyi açıqlamalara görə, “Snapchat+” xidmətinə əlavə edilən yeni xüsusiyyət süni intellekt dəstəkli çatbot olub.
Əlavə edək ki, “My AI” adlı chatbot öz gücünü “OpenAI”nin “GPT” texnologiyasından alır. Edilən açıqlamalara görə, “Snapchat +” istifadəçilərinin söhbət sekmesinin başında olacaq “My AI”, dostluq, öyrənmə və əyləncəyə yönəlmiş bir təcrübə təqdim edəcək.
Həmçinin paylaşaq ki, “Snapchat” “My AI” chatbot üçün fərdiləşdirmə seçimləri təklif edir. “Snapchat+” istifadəçiləri “My AI” chatbotunun adını və danışdıqları söhbət tabının fonunu istədikləri kimi dəyişə biləcəklər. Görünür, “OpenAI”nin “GPT” texnologiyası hər gün fərqli bir platformada görünməyə davam edəcək.
“Twitter” əməkdaşları səhm mükafatları alacaqlar.
Ilon Mask bazar ertəsi səhər “Twitter”də qalan işçilərinə e-poçt göndərərək həftə sonu qəfil ixtisarlardan sonra qalanların martın 24-də "çox əhəmiyyətli" səhm mükafatları alacaqlarını söylədi.
“Keçən həftə biz bütün şirkətdən toplaya bildiyimiz qədər rəydən istifadə edərək, gələcək icranın yaxşılaşdırılmasına yönəlmiş çətin bir təşkilati prosesi tamamladıq” deyə Mask bildirib.
“Performans Mükafatları” adlı qısa memo, Maskın həftə sonu xəbərdarlıq etmədən bir neçə yüksək səviyyəli sadiq işçisi və demək olar ki, bütün məhsul komandası da daxil olmaqla işdən çıxarmasindan sonra “Twitter” əməkdaşları ilə ilk ünsiyyətidir.
Bir neçə ixtisardan və işçilərin “son dərəcə sərt” olmasını tələb etdikdən sonra Mask “Twitter”i özəlləşdirdiyi zaman itirilən səhm mükafatlarını necə kompensasiya edəcəyi ilə bağlı təfərrüatları hələ paylaşmayıb. Əvvəlki daxili şərhlərində o, “SpaceX”də işçilərin şirkətin səhmlərini maraqlı investorlara müntəzəm olaraq satmasına icazə vermək üçün qurduğu sistemə işarə etdi. “Twitter”in “SpaceX”ə nisbətən çətin maliyyə vəziyyətini nəzərə alsaq, qısa müddətdə onun səhmlərinin dəyərinin nə olacağı bəlli deyil.
“Pokémon Sleep” oyunu bu il çıxır!
“Pokémon” şirkəti nəhayət ən çox gözlənilən məhsulu haqqında bəzi təfərrüatları açıqladı. Əsasən, “Pokémon Sleep” oyunu yuxu izləyicisidir, burada siz yatarkən proqramdakı pokemonla əlaqə saxlayırsınız.
Oyunla yanaşı, yeni cihaz da ortaya çıxdı: “Pokémon Go Plus”. Bu, həm “Pokémon Sleep” üçün yuxu izləyicisi, həm də “Pokémon Go” üçün alət kimi işləyən cihaz “Sleep” oynamaq üçün lazım deyil. Cihaza daha yaxından nəzər salaq:
Daha çox
Daily
kateqoriyasından
