Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Discord" abunəlik sistemi səbəbindən məhkəməyə verilib
Kaliforniyada "Discord"a qarşı açılan yeni məhkəmə işi "Nitro" abunəliyinin ləğv prosesinin çətin olması ilə bağlıdır. İstifadəçilər abunəliyi dayandırmaq istəyəndə qəsdən mürəkkəb bir sistemlə qarşılaşdıqlarını iddia edirlər.
Azərbaycan startapı "Corpowid" Türkiyədə 2 milyon TL mükafat qazanıb
"Corpowid Rəqəmsal Müyəssərlik Həlləri" şirkəti 7400-dən artıq startap arasından seçilərək 50 şirkətin təmsil olunduğu Böyük Finala vəsiqə qazanıb. Finalda Türkiyənin ən böyük holdinqləri qarşısında çıxış edən şirkətin təqdim etdiyi innovativ həllər böyük maraqla qarşılanıb.
"OpenAI" insanabənzər robot inşasına yeniden başlayır
"OpenAI" insanabənzər robot inşasına dair yeni bir layihə ilə yenidən robotika sahəsinə qayıdır. Şirkət "Figure" və "1X" kimi firmalara və "Physical Intelligence" adlı AI şirkətinə yatırım edib. 2021-ci ildə robotika bölməsini bağlayan "OpenAI" son illərdə texnologiya və AI sahəsində ciddi irəliləyişlər əldə edib. Bu sahədəki rəqabətin artması "OpenAI" üçün yeni strateji addımların atılmasını tələb edir.
"Tesla CyberCab"ı oyun pultu ilə idarə etmək mümkündür
"Tesla"nın sürücüsüz taksi konsepti olan "CyberCab" modeli, oyun konsolu tərzindəki bir nəzarət cihazı ilə idarə edilə bilir. Qeyd edək ki, maşının içində nə sükan, nə də pedal var və tamamilə avtonom sürüş üçün dizayn edilib.
"Nothing"dən 3 yeni büdcə dostu telefon gəlir
"Nothing" yeni büdcə dostu smartfon modellərini bazara çıxarmağa hazırlaşır. "AndroidAuthority"nin verdiyi məlumata görə, "Nothing OS 3" interfeysinin kodlarında "Phone (3a)", "Phone (3a) Plus" və "CMF Phone (2)" modelləri aşkar edilib. "Phone (3a)" və "Phone (3a) Plus" modelləri Snapdragon 7s Gen 3 prosessoru ilə təchiz ediləcək. "CMF Phone (2)" modelinin isə MediaTek prosessoru ilə gələcəyi gözlənilir.
"Nintendo Switch 2"nin görüntüləri sızdırılıb
"Nintendo Switch 2"yə aid ilk görüntülər yayımlanıb. Sızdırılan məlumatlara görə, konsol daha dairəvi dizayna və maqnitlə bağlanan “Joy-Con” kontrollerlərinə sahib olacaq. Dock hissəsi isə USB-C, HDMI, Ethernet və iki USB-A portu ilə təchiz edilmiş, Nintendo Switch OLED modelinə bənzər, lakin daha dairəvi bir görünüşə malikdir.
"Bluesky" rəqibi "X"in ən önəmli funksiyasını sınaqdan keçirir
"Bluesky" 25 dekabrda elan etdiyi yeni funksiyanı sınaqdan keçirməyə başlayıb. Bu yenilik “trending topics” funksiyasıdır və hazırda masaüstü və mobil tətbiqlərdə beta versiyada istifadəçilərə təqdim olunur.
"Galaxy S25" seriyasının dizaynı sızdırılıb
"Samsung"un "Galaxy S25" seriyasına aid yenilikləri gizli saxlamaq cəhdlərinə baxmayaraq, sızıntılar davam edir. Aksesuar istehsalçısı "dbrand" "Galaxy S25" seriyası üçün nəzərdə tutulmuş örtüklərin siyahısını vaxtından əvvəl yayımlayaraq cihazların arxa dizaynını nümayiş etdirib.
Daha çox
Daily
kateqoriyasından
