Microsoft” indi süni intellektlə işləyən “Bing”, “Microsoft Edge” və “Skype” proqramlarını “iOS” və “Android” cihazlarına təqdim etdi. Proqramları dərhal yükləyə bilərsiniz, lakin onlardan istifadə etmək üçün gözləməli olacaqsınız
“Microsoft”un ötən həftələrdə təqdim etdiyi süni intellekt tərəfindən dəstəklənən “Bing”, istifadəçilərin böyük marağına səbəb oldu. Lakin süni intellektin müəyyən sual həddini keçdikdən sonra istifadəçiləri təhqir etməyə başlaması bir çox insanın reaksiyasına səbəb olmuşdu.
“9To5Mac” tərəfindən verilən məlumata görə, “Microsoft” bu gündən etibarən “Microsoft Edge”, “Bing” və “Skype” mobil proqramlarında süni intellekt dəstəyi təqdim etməyə başlayıb. Artıq süni intellekt test proqramında olan istifadəçilər tətbiqlərini yeniləyərək bu yeni süni intellekti mobil cihazlardan istifadə edə biləcəklər. Test proqramında olmayan istifadəçilər təəssüf ki, gözləmə siyahısına yazılmalı və süni intellektin onlara təqdim olunmasını gözləməlidirlər.
Gözləmə siyahısına yazılmaq üçün “Microsoft Edge” və ya “Bing” mobil proqramına və ya “Bing” veb saytına daxil olmaq kifayətdir. Daha sonra açılan pəncərədən gözləmə siyahısına yazıla bilərsiniz.
“Microsoft” rəsmiləri mobil proqramda ilk sınaq günlərində əlaqə problemlərinin ola biləcəyinə diqqət çəksələr də, süni intellektlə dəstəklənən “Bing”in bütün istifadəçilər üçün nə vaxt istifadəyə veriləcəyi hələ dəqiq deyil.
Virtual reallıqdakı obyektlərə toxunmaq mümkündür!
Mark Zukerberq virtual reallıq üçün “Meta” tərəfindən hazırlanmış "Direct Touch" funksiyasını elan etdi. Bu funksiya ilə istifadəçilər virtual mühitdəki obyektlərə “toxunmaq” imkanı əldə edəcəklər.
“Metaverse” texnologiyaları üçün illərdir istifadə etdiyi və bir müddətdir “Meta” adlandırdığımız "Facebook" adından imtina edən şirkət, bu sektorda işini bütün sürəti ilə davam etdirir kimi görünür. Mark Zukerberqin verdiyi açıqlamalara görə, şirkət hələ sınaq mərhələsində olan proqram yeniləməsi ilə virtual reallıq texnologiyalarında əhəmiyyətli təkmilləşdirmələr edəcək.
İllərdir bazarda olan “Meta's Quest” markalı avadanlıq "Direct Touch" adlı xüsusiyyətlə təchiz ediləcək. Bu funksiya istifadəçilərin əl hərəkətlərini izləməyə yönəlib. Açıqlamaya görə, istifadəçilər “Direct Touch” texnologiyası ilə virtual mühitdə obyektlərə toxuna biləcəklər. Bəs bu necə mümkün olacaq?
“Quest” markalı avadanlıq 2019-cu ildən bəri əl hərəkətlərini izləyə bilir. “Direct Touch” bu funksiyanın əhatə dairəsini xeyli genişləndirəcək. Eynək və qulaqlıq taxdıqdan sonra virtual mühitə keçən istifadəçi planşet və ya klaviatura kimi məhsulları birbaşa əlləri ilə istifadə edə biləcək. Bu, eynək taxarkən əsl klaviaturadan istifadə etmək çətinliyini aradan qaldıracaq. Əlbəttə ki, “Quest” idarəçisinə bəzi əməliyyatlar üçün artıq ehtiyac olmayacaq.
Mark Zukerberq “Instagram”da paylaşdığı videoda “Direct Touch” funksiyasının necə istifadə oluna biləcəyini göstərib. Videoya görə, eynək taxan şəxsin əl hərəkətlərini göstərən əl ikonu görünəcək. İstifadəçi əlini tərpətdikcə bu ikona da hərəkət edəcək və funksiyalar yerinə yetiriləcək. Siz smartfon və ya planşetdən istifadə etdiyiniz kimi virtual reallıqda eyni təcrübəni yaşaya biləcəksiniz.
“Direct Touch”ın əhatə dairəsi tədricən genişlənəcək. Zukerberq özünün “Meta Channel” “Instagram” kanalında da konseptual video paylaşıb. Bu konsepsiya videosu “Metaverse” texnologiyalarının məşqlər, təhsil və əyləncə kimi müxtəlif kateqoriyalarda necə effektiv şəkildə istifadə oluna biləcəyini nümayiş etdirir.
“Meta Channel”da paylaşılan videoya aşağıda baxa bilərsiniz:
9 ildən sonra əllərini hərəkət etdirdi.
9 il iflic olan qadın yeni müalicə üsulu ilə əllərini hərəkət etdirə bildi. Elm adamları inkişaf etdirdikləri yeni üsulla iflic olan iki şəxsin bədən funksiyalarını bərpa etmələrini təmin ediblər.
Beyində qan axınının pisləşməsi və beyin hüceyrələrinin ölümü ilə baş verən insult insanın bədəninin müəyyən hissəsində funksiyaların qismən və ya tamamilə itirməsinə səbəb olur.
Bu yaxınlarda nəşr olunan yeni araşdırma ilə iflic əleyhinə yeni bir ümid ortaya çıxdı. Elm adamları inkişaf etdirdikləri yeni üsulla iflic olan iki şəxsin bədən funksiyalarını bərpa etmələrini təmin ediblər. Bu şəxslərdən biri doqquz il iflic olub və sol qolunu və əlini hərəkət etdirə bilmirdi.
Pittsburq Universitetinin komandası inkişaf etdirdikləri eksperimental metodda onurğa beyninin müəyyən bir nöqtəsinə bir cüt nazik metal elektrik implantı yerləşdirdi. Bu nöqtə insanın insult keçirdiyi nöqtədən asılı olaraq neyron şəbəkəsinin yerləşdiyi nöqtə idi.
Onurğa beyninə yerləşdirilən bu cihaz işə salındıqda cihazdakı elektrodlar onurğa beyninə elektrik siqnalları göndərirdi. Bu cərəyan, əzələləri hərəkət etməyə məcbur etməkdən fərqli olaraq, hərəkətə kömək etmək üçün onurğada neyron şəbəkə əlaqəsini gücləndirmək məqsədi daşıyırdı.
Yəni onurğa beynindəki sinirlərdən keçən zəif siqnallar güclənərək insanın hərəkət etməsinə şərait yaradırdı. İki nəfərin bədən funksiyaları bərpa edildi:
Eksperimental metodun tədqiqində iştirak edən iki nəfərdə də müxtəlif növ insult olub. Lakin hər iki şəxs əllərini hərəkət etdirməyə başlaya bilib. Subyektlər bir ay ərzində həftədə beş gün, gündə dörd saat bu müalicəyə məruz qalıblar.
Cihaz aktiv və söndürüldükdə insanların əllərini hərəkət etdirmə qabiliyyəti arasındakı fərq yuxarıdakı videoda da nümayiş etdirilir. İflic olan insanlardan biri Hezer Rendulik 9 ildən sonra əllərini yenidən açıb-bağlaya bilib.
Digər tərəfdən, İngiltərə İflic Dərnəyindən Dr. Rubina Əhməd, araşdırmanın hələ başlanğıc mərhələsində olduğunu və cərrahi implantların hər kəs üçün uyğun olmaya biləcəyini söylədi. Əhməd, daha geniş auditoriya tərəfindən istifadə edilə bilən stimullaşdırma üsullarının da sınaqdan keçirildiyini izah etdi. Yeni üsulla əldə edilən nəticələr “Nature” jurnalında dərc olunub.
“HarmonyOS” ilə işləyən ilk kompüter!
“Huawei”nin əməliyyat sistemi “HarmonyOS” smartfonlar, planşetlər və ağıllı saatlar tərəfindən istifadə olunur. Çinli proqramist yaxınlarda açıq mənbəli “HarmonyOS” əməliyyat sistemini kompüterə quraşdırmağa nail olub. Paylaşılan videoda noutbukda açılmış açıq mənbəli “HarmonyOS 3.2 Beta 3” versiyasını görürük.
Videoya baxdığımızda “HarmonyOS” əməliyyat sistemli kompüterin çox stabil işlədiyi və siçan ilə bütün qarşılıqlı əlaqəni dəstəklədiyi görünür. Komputer əməliyyatlarının real vaxt rejimində geridə qalmadan mükəmməl işlədiyini söyləmək mümkündür.
Paylaşılan video “HarmonyOS”un kompüter mühiti ilə uyğunluğunun yoxlanıldığının sübutudur. Bununla belə, proqram təminatının performans tələb edən əməliyyatlar üçün hələ hazır olmadığını söyləyə bilərik. Daha çətin əməliyyatları yerinə yetirmək üçün ağır optimallaşdırma əməliyyatlarına ehtiyac var.
Çinli proqramist indi noutbukun “USB”, şəbəkə portu, “SATA” portu, “PCIE” və digər aparat interfeyslərinin adaptasiyasını başa çatdırıb. Noutbukun daxili klaviaturası və sensor panel sürücüsü üçün adaptasiya işləri davam edir.
“HarmonyOS”un kompüterə inteqrasiyası prosesləri hazırda iki fərqli cihazda davam edir. Kompüterlərdən birincisində 8-ci nəsil “Intel i5” prosessoru, digərində isə 11-ci nəsil “Intel i3” prosessoru var. Hər iki cihazın “X86 CPU” arxitekturası ilə təchiz edildiyini nəzərə alsaq, “OpenHarmony”nin bu arxitekturaya uyğunlaşmasının əsas etibarilə tamamlandığını söyləmək olar.
“OpenHarmony”nin “Linux” nüvəsinə əsaslandığı güman edilir. Optimallaşdırmanın yaxın günlərdə daha da davam edəcəyi gözlənilir.
“Notion AI” bir müddətlik ödənişsiz oldu.
Son zamanlar süni intellektin inkişafı sürətlə artaraq bir çox peşələrdə artıq özünə yer tapmağa başlayıb. Süni intellektlə dəstəklənən chatbotlar redaktor və kopirayterlik kimi sahələrdə daha çox önə çıxır.
“Notion” keçən həftə verdiyi açıqlamada pulsuz istifadəçilər də daxil olmaqla hər kəsin “Notion AI alfa” versiyasından istifadə edə biləcəyini söylədi. Bu açıqlamadan sonra 2 milyondan çox insan süni intellektdən istifadə etmək üçün qeydiyyatdan keçib.
Bu prosesi sınaqdan keçirən şirkət bir müddət sonra nəticələri müqayisə edib. O bildirir ki, müqayisədən sonra istifadəçilər yeni mətn tələb etməkdənsə, mövcud mətnlərin təkmilləşdirilməsinə üstünlük verirlər.
“Notion AI” mövcud mətnlərin orfoqrafiya və durğu işarələri qaydalarını düzəltmək, mətnin dilini yumşaltmaq və ya sərtləşdirmək, mətni uzatmaq və ya ümumiləşdirmək kimi bir çox funksiyaya malikdir. Yəni insanlar yeni mətn tələb etməkdənsə, öz yazılarının təkmilləşdirilməsini istəyirlər. Bu səbəbdən, “Notion AI"nin “improve orpressing” variantından daha çox istifadə edilir.
“Notion AI” tərəfindən edilən açıqlamaya görə, istifadəçilərin ən çox üstünlük verdiyi digər xüsusiyyət “tam yenidən dizayn” idi. Bu funksiya ilə istifadəçilər mövcud məqalələrini “Notion AI”ə göndərir və ondan ən yaxşı rəy alırlar. Beləliklə, “Notion AI” insanlara redaktiv bacarıqlarını təkmilləşdirməyə kömək edir.
Digər tərəfdən, qeyd etmək lazımdır ki, “Notion AI” alfa versiyası yalnız aprelin 5-nə qədər pulsuz olacaq. Bundan əlavə, pulsuz olsa belə, bütün istifadəçilərə yalnız 20 pulsuz cavab verir. Bu tarixdən sonra ayda 10 dollar ödəməklə “Notion AI”dən istifadə etməyə davam etmək mümkündür.
Daha çox
Daily
kateqoriyasından
