“Call of Duty” və “Squid Game” əməkdaşlıq edib‍ | Bu günün xəbərləri

Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!

"Tesla" "Apple Watch" üçün rəsmi tətbiq hazırlayır!

Yeni tətbiqlə avtomobili açıb bağlamaq, baqajı idarə etmək və batareya vəziyyətini yoxlamaq mümkün olacaq. Şirkət bu funksiyaları rəsmi olaraq "WatchOS" tətbiqinə daxil edərək, daha rahat və inteqrasiya olunmuş bir istifadəçi təcrübəsi vəd edir. Elon Musk bu yeniliyin ilin sonuna planlaşdırılan böyük proqram yeniləməsinin bir hissəsi olduğunu bildirib.

“Call of Duty” və “Squid Game” əməkdaşlıq edib

“Squid Game” və “Call of Duty” oyun seriyası arasında xüsusi əməkdaşlıq yanvar ayında başlayacaq. Yeni mövsümün dekabrın sonunda yayımlanması ilə azarkeşlərin marağı daha da artacaq. Əməkdaşlıq çərçivəsində oyuna “Squid Game” motivləri əsasında hazırlanmış xüsusi xəritələr, ölümcül tələlər və tapmacalar daxil ola bilər.

"Lenovo" yeni əl konsolunu satışa çıxarmağa hazırlaşır

‍"Lenovo" "Legion Go S" adlanan yeni və büdcəyə uyğun əl konsolu ilə istifadəçilərin qarşısına çıxmağa hazırlaşır. "Windows Central"ın sızdırdığı məlumatlara əsasən, konsol kompakt dizayna malik olacaq və RGB işıqlar, iki USB-C girişi, dairəvi D-pad ilə təchiz ediləcək. "Legion Go S" modeli çıxarıla bilən idarəetmə cihazları və trackpad kimi funksiyaların olmaması ilə "Legion Go"dan fərqlənir. Bununla yanaşı, yeni modelin 399 dollarlıq daha sərfəli bir qiymətlə satışa çıxacağı gözlənilir.

Elon Musk-ın 56 milyard dollarlıq maaş paketi yenidən ləğv edildi

Elon Musk-ın 2018-ci ildə 56 milyard dollarlıq "Tesla" maaş paketi məhkəmə tərəfindən bir daha ləğv edilib. Hakim Kathaleen St. J. McCormick qərarın dəyişdirilməsinə dair heç bir əsasın olmadığını bildirib. Musk bu qərarı dəyişdirmək üçün investorlarla yeni səsvermə keçirsə də, hakim bu addımı şübhəli və düzgün olmayan bir proses kimi qiymətləndirib.

"Samsung"un ağıllı eynəkləri nə vaxt gəlir?

‍"Samsung"un XR eynəklərinin təqdimatı ilə bağlı maraqlı məlumatlar ortaya çıxıb. İddialara görə, şirkət bu cihazı yanvar ayında "Galaxy S25" seriyasını təqdim edəcəyi "Galaxy Unpacked" tədbirində açıqlamağı planlaşdırır. Rəsmi məlumatlar təsdiqlənməsə də, cihazın 2025-ci ilin üçüncü rübündə satışa çıxarılması gözlənilir.