“Technest” Təqaüd Proqramı bir sıra hərtərəfli təşəbbüslər və tərəfdaşlıqlar vasitəsilə qadınların İnformasiya və Kommunikasiya Texnologiyaları (İKT) sahəsində rolunun artırılmasında mühüm addımlar atıb. Bu səylər sürətlə inkişaf edən texnologiya sahəsində gender müxtəlifliyinin təşviqinə yönəlib.
Belə ki, “Coders Caravan” layihəsi çərçivəsində Quba və Lənkəranda hər bölgədən 10 qadın iştirak etmiş və eksklüziv olaraq onlar üçün təşkil edilmiş "Full Stack" -in inkişafı üzrə hərtərəfli bacarıqlarla təchiz edib. Bu uğura əsaslanaraq proqram öz əhatə dairəsini Şamaxı və Mingəçevir rayonlarında genişləndirib və hazırda hər bölgədə 10 iştirakçı olmaqla, ümumilikdə 20 qadına təlim keçir.
Bununla yanaşı, “Technest” çərçivəsində regionlarda innovativ təşəbbüslərin dəstəklənməsi məqsədilə Azərbaycan Kənd Qadınları Assosiasiyası ilə əməkdaşlıq edilib. Bu layihədə Ağdam, Füzuli və Beyləqan rayonlarında qadınlara İKT üzrə təlimlərin keçirilməsini asanlaşdırmaq üçün təqaüdlər təsis edilib. Əsas diqqət qadın sahibkarlar üçün rəqəmsal bacarıqların artırılması, startapların yetişdirilməsi və rəqəmsal ticarət mənzərəsində fəal iştirakın təmin edilməsinə yönəlib.
BP ilə əməkdaşlıq çərçivəsində qadınlar üçün daha bir təlim proqramı olan “Rəqəmsal Qadınlar” həyata keçirilib. Bu təşəbbüs müxtəlif regionlar üzrə 120 qadının İKT sahəsində bacarıqlarını inkişaf etdirmək məqsədi daşıyır.
Daha çox
Texnologiya
kateqoriyasından
